.. ماوفاتش لحكاية

أنا صحيح كرهتو و معاش نخمم فيه و نسيتو و معاش حتى حاجة تربط بيني بيه ، أما قعد يجي على بالي ساعات و نتذكرو … نتذكرو كيف نقعد وحدي و نتذكر اللي هو قلّي ماهوش بش يخليني ، نتذكرو كل ما نشوف زوز مع بعضهم ، نتذكرو كيف نسمع غناية ، نتفرج في فيلم ، نتذكرو كيف نبدا نمشي في الشارع حتى لين ننسى وين ماشية أصل . أما كيف يسألوني ناس نقول نسيتو ، نسيتو خاطرني يلزمني ننسا « راجل؟ » كذب عليا و لعب بيا ، هو صحيح موش راجل أما أنا حبيتو و نخاف بش نقول مزلت نحبوا ما نخافش من الناس أما من روحي خاطر ماعادش نحب نظلمها يزيها ما تقهرت و تعبت و تعضبت و سمعت كلام خايب هي ما عندها حتى ذنب فيه، أنا صحيح خليتو لمرتو و صغارو أما هو لشكون خلاني ؟ خلاني لعباد يشوفو فيا لحم ، أنا كنت كارهة رجال من قبل على كذبهم و نفاقهم و تلهميڤ متاعهم مع النسا كان في شارع ولا خدمة ولا إدارة ماهومش مفلتين حد لا كبيرة لا صغيرة لا معرسة لا مطلقة ، أعطيه بركا يشوف مرا بش يحل فومو و يسمعنا تربيتو و أخلاقو ، أنا لحقيقة الرجال لخرين ماكنتش نلوم عليهم أما هو بذّات ما تخيلتهاش منّو خاطر طول عمري كنت نبرر لرجال لخرين اللي هوما يعملوا هكا خاطر ناقصين ثقافة و لا تأطير وإلا الضروف اللي عايشينها في المجتمع حكمت عليهم يتعاملو هكا مع …المرا ، أما هو مالقيت باش نبررلو خاطرني كنت نعرفو أكثر من روحي ياخي حتى روحي طلعت ما نعرفهاش
No Comments Yet

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

16 − treize =

FOLLOW US ON